У новым відэа з цыклу "Кола беларускіх абрадаў" мы наведалі вёску Новіны Бярэзінскага раёну, каб зняць абрад "Цягнуць Каляду на дуба", які захаваўся тут са старажытных часоў і завяршае перыяд калядных святаў.
❗️Падтрымаць "Анлайн-Каляды" і іншыя нашыя праекты можна тут: https://zrzutka.pl/5mz4p8
ці праз PayPal:
[email protected]
Нашыя далёкія продкі развітваліся з Каляднымі святамі з надзеяй на прыход хуткай вясны і верылі ў пераможную моц сонца.
"Увечары 20 студзеня дамаўляюцца, у чыёй хаце будуць праводзіць Каляды, хто якія стравы гатуе, у колькі гадзін збіраюцца.
21 студзеня раніцай збіраюцца і ўпрыгожваюць куль саломы ад зажыначнага снапка, які заўсёды захоўваўся і прыносіўся ў хату перад першай каляднай куццёй і стаяў у чырвоным куце ўсё свята.
З гэтага куля рабілі абрадавую ляльку, якую апраналі ў жаночае адзенне: спадніцу, кофту, фартух, хустку. Звараную ў чыгунку або гліняным гаршку куццю ставілі на сена ў рэшата, бралі старое кола ад воза або барану і везлі на санях або на саначках да дуба, які адзінока стаяў у полі або ў канцы сяла. Старое кола і саламяную ляльку, калі яны захаваліся з мінулага года, скідалі з дуба і падпальвалі, а на дуб усцягвалі новую ляльку ў жаночай іпастасі, кола або барану і куццю. Спявалі абрадавыя песні, вадзілі карагод вакол дуба, а потым пілі гарэлку, закусвалі пад дубам і ішлі да месца збору, дзе святкавалі заканчэнне каляднага цыкла святаў. Танцавалі, спявалі, гулялі. Гэтак жа абрад спраўляюць і зараз". (Рэгіна Гамзовіч)
Мантаж - Яўген Урублеўскі
Графіка - Алена Бабук
Аўтар і кіраўнік праекта - Сяржук Доўгушаў
Падтрымаць "Анлайн-Каляды" і дзейнасць "ЭтнаТрадыцыі" можна тут: https://zrzutka.pl/7t4yec
або праз PayPal:
[email protected]
Далучайцеся да Tradycyji:
https://www.instagram.com/tradycyja/
https://www.facebook.com/belarusfolk/
https://t.me/tradycyja