СЫНОК - леанід ПРАНЧАК Demo version Верш – леанід ПРАНЧАК Канцэпцыя і прадзюсіраванне – леанід ПРАНЧАК Генерацыя музыкі і вакал LP – AI УВАГА! Публікуецца ЯК ДЭМАНСТРАЦЫЙНЫ ЗАПІС для прафесійных і самадзейных выканаўцаў. Калі Вы захочаце ўключыць гэтую песню ў свой рэпертуар, калі ласка, звяртайцеся да Аўтара. 2026 На здымку: леанід ПРАНЧАК Фота: Arseniy Pranchak 2025 СЫНОК леанід ПРАНЧАК У наш завейны кут Спазняецца вясна. Каханая мая, Ты ўсё, што сэрцу трэба. Навокал тлум i шум. ГармІдар i мана. А па-над хатай снег I хмары засцяць неба. Тэлефануе сын, Цікавіцца, як мы? Ну, што яму сказаць: Зусім пра нас забыўся. Нам сумна без яго Адным сярод зімы, А ён, відаць па ўсім, Зусім ад рук адбіўся. Сынок мой, сыночак, сынок, Ты парастак міласці божай. Гукаю цябе я здалёк Дадому з імжы бездарожнай. Жыццё сурова рве Любві маёй ніты. Расходзяцца шляхі, Як хмурыя аблокі. І той, хто быў дасюль Вялікі і святы, Цяпер зусім чужы, Халодны і далёкі. Змiруся i скажу: Такая вось юдоль. Спустошана душа Ад высілкаў і чараў. Каханая, прашу, Вазьмі мой вечны боль, А я вазьму твой сум – Астаткі нашых мараў. Сынок мой, сыночак, сынок, Ты парастак міласці божай. Гукаю цябе я здалёк Дадому з імжы бездарожнай. 17.10.2023 Фота Арсеній ПРАНЧАК 2026