Раніцай 26 лютага пачалі зьяўляцца паведамленьні пра выбухі у раёне аэрадрому «Мачулішчы» пад Менскам. Пазьней беларуская ініцыятыва ByPol назвала прычыну выбухаў: імаверна, быў падарваны расейскі вайсковы самалёт А-50. Самалёт А-50 дакладна знаходзіўся на аэрадроме «Мачулішчы» апошнімі днямі. Пра гэта сьведчаць здымкі з спадарожнікаў. Вайсковыя экспэрты лічаць А-50 сур’ёзнай пагрозай у баявых дзеяньнях і называюць ягоны магчымы падрыў важнай ня толькі вайсковай, але і палітычнай акцыяй. Пасьля меркаванага інцыдэнту беларускія памежнікі ўзмацнілі кантроль на выезьдзе з краіны.Крэмль адмовіўся камэнтаваць сытуацыю з самалётам у Беларусі, спаслаўшыся на абвяржэньне збоку беларускіх уладаў. Аднак на гэты момант беларускія афіцыйныя асобы ніяк не камэнтавалі інцыдэнт у Мачулішчах і не абвяргалі яго. Наш сайт: https://www.svaboda.org/ TELEGRAM: https://t.me/radiosvaboda FACEBOOK: https://www.facebook.com/svaboda.org TWITTER: https://twitter.com/svaboda INSTAGRAM: https://www.instagram.com/radiosvaboda/ TikTok: https://www.tiktok.com/@radio_svaboda Як чытаць і глядзець Свабоду насуперак блякаваньню https://smarturl.click/p1yA Як бясьпечна і ананімна паведаміць важную інфармацыю нашай рэдакцыі https://smarturl.click/0DO8