У Менску людзі другі дзень стаяць у чэргах па апастыль, кошт паслугі вырас у 10 разоў. Па словах менчукоў, каб падаць дакумэнты на апастыль, месца ў чарзе трэба займаць зь вечара. Пры гэтым тых, хто стаіць у чарзе, міліцыянты папярэдзілі аб адказнасьці за ўдзел у несанкцыянаваным мерапрыемстве. Плату за апастыль паднялі з 16 да 160 рублёў. Апастыль — спэцыяльны знак, які ставіцца на дакумэнтах некамэрцыйнага характару, робіцца дзяржаўнымі ўстановамі і інстанцыямі краін – удзельніц Гааскай канвэнцыі аб легалізацыі афіцыйных дакумэнтаў. Беларусам для выезду за мяжу часта патрабуецца дазвол на працу і завераны натарыюсам пераклад некаторых дакумэнтаў на мову краіны, дзе чалавек працуе або вучыцца. 📌 Абавязкова падпішыся на наш YouTube канал і пастаў званочак: http://bit.ly/SVABODA