20-гадовую Марыю Сафонаву асудзілі на 2 месяцы арышту, яна павінна выплаціць 556 рублёў за шкоду камунальнікам. Дзяўчына нанесла надпіс «Жыве Беларусь» і бел-чырвона-белыя палосы на асфальт і дзьверы падвальнага памяшканьня. Сьледчы камітэт палічыў гэтыя надпісы «цынічнымі». На яго погляд, надпісы «зьневажаюць пачуцьці грамадзян, дэманструюць пагарду да маральных каштоўнасьцяў, накіраваныя на прычыненьне шкоды грамадзкаму парадку і грамадзкай маральнасці». Судзьдзя Юлія Шут падтрымала дзяржаўнага абвінаваўцу Юлію Даўгалу. Сама Марыя патлумачыла, што нанесла гэтыя надпісы таму, што яна беларуска, а цяпер, паводле дзяўчыны, адбываецца генацыд беларускага народу і яна з гэтым нязгодная. Навукоўцы НАН Беларусі ў экспэртным заключэньні сьцьвярджаюць, што «Жыве Беларусь» не нясе ніякай абразы, а выкарыстаньне белых і чырвоных колераў сьведчыць пра патрыятызм і любоў да радзімы. #БЧБ #ЖывеБеларусь #Беларусь 📌 Абавязкова падпішыся на наш YouTube канал і пастаў званочак: http://bit.ly/SVABODA