Летам 2018 году грамадзкі актывіст і цясьляр Зьміцер Дашкевіч паставіў дзясяткі драўляных крыжоў у Курапатах. 4 красавіка 2019 году пачаўся «крыжалом» — пад выглядам добраўпарадкаваньня ўлады зьнесьлі 70 драўляных крыжоў па пэрымэтры мэмарыялу. Празь некалькі дзён пазносілі і мэталічныя крыжы ўздоўж кальцавой дарогі. Чвэрць з 20 гадоў палітычнай актыўнасьці 37-гадовы Дашкевіч правёў за кратамі. Два разы яго асуджалі па крымінальных справах — у 2006 і 2010 гадах. Апроч гэтага былі дзясяткі адміністратыўных пакараньняў, палічыць якія ўжо немагчыма. Цяпер Зьміцер — муж і бацька, бізнэсовец і фронтмэн Курапацкай варты. У аўтарскім праекце Каці Маркоўскай «Морква» актывіст расказаў, чаму не павязе ў Курапаты новыя крыжы, ці зьбіраецца ўдзельнічаць у прэзыдэнцкіх выбарах, як ставіцца да магчымасьці эміграваць у ЗША і колькі зарабляе цясьлярскай справай. Гэтая публікацыя падрыхтаваная з выкарыстаньнем інфармацыі БелаПАН. Іншыя інтэрвію ў праекце «Морква»: - з заснавальнікам і дырэктарам беларускага брэнду вопраткі LSTR Ільлём Аксёнавым https://www.youtube.com/watch?v=-Hh96upsKQk&t=973s - з фронтмэнам беларускага панк-рок гурту «Дай Дарогу!» Юрыем Стыльскім https://www.youtube.com/watch?v=bfZmzT3pwHk&t=228s - з дырэктарам крамы нацыянальна арыентаваных тавараў Symbal.by Паўлам Белавусам https://www.youtube.com/watch?v=T-ek5jqumYg&t=2s - з прэс-сакратаром Беларускай Праваслаўнай Царквы Сергіем Лепіным https://www.youtube.com/watch?v=J9wQG-hSgkY&t=132s - з блогерам Эдуардам Пальчысам https://www.youtube.com/watch?v=zyQQ3V8DlMk&t=196s Фэйсбук Каці Маркоўскай https://facebook.com/kacia.markouskaja