З 7 па 15 сакавіка Міністэрствам па надзвычайных сітуацыях была арганізавана рэспубліканская пажарна-прафілактычная акцыя «За бяспеку разам». Асноўная мэта акцыі - павышэнне ўзроўню культуры бяспекі сярод насельніцтва і папярэджанне пажараў. У рамках мерапрыемства акцэнт зроблены на абследаванні супрацьпажарнага стану дамашніх гаспадарак адзінокіх пажылых грамадзян, інвалідаў і сем’яў з дзецьмі, якія знаходзяцца ў сацыяльна небяспечным становішчы. Праводзіцца інструктыўна-растлумачальная работа па захаванні правілаў пажарнай бяспекі. Таксама ажыццяўляецца інфармаванне насельніцтва пра магчымасці дзяржаўных арганізацый па забеспячэнні іх бяспекі. Здымкавая група прыняла ўдзел у прафілактычным рэйдзе разам з супрацоўнікамі Брэсцкага ГУ МНС, БДПО і ТЦСОН Маскоўскага раёна.