Надвор’е працягвае выпрабоўваць беларусаў. Ноччу ў рэгіён прыйшлі моцны вецер і сапраўдныя студзеньскія завеі. У Навагрудку вышыня снежнага покрыва дасягнула 23 сантыметраў, у Шчучыне – 17, а ў Гродне каля 7-і сантыметраў. Для ачысткі вуліц і дарог населеных пунктаў ад снегу быў задзейнічаны цэлы арсенал сродкаў. Толькі ў абласным цэнтры на барацьбу з гурбамі выйшлі сотні работнікаў камунальнай службы і былі выведзены дзясяткі адзінак спецыяльнай тэхнікі.