http://tvgrodno.by Ажыццявіць сапраўдны прарыў у беларускай навуцы – звышмэта, якую найчасцей ставяць перад сабой энергічныя і апантаныя маладыя навукоўцы. На ўзроўні кіраўніцтва дзяржавы добра разумеюць неабходнасць падтрымліваць такі малады энтузіязм. У прыватнасці, за лепшыя распрацоўкі ў розных галінах навукі рэгулярна прысуджаюцца стыпендыі з Прэзідэнцкага фонду нашай краіны. Адным з такіх стэпендыятаў сёлета стаў аспірант Гродзенскага дзяржаўнага ўніверсітэта імя Янкі Купалы Дзмітрый Семяновіч. Таццяна Бараноўская сустрэлася з маладым навукоўцам і паразмаўляла аб перспектывах беларускай эксперыментальнай біялогіі.