Аграгарадкі ўжо даўно сталі прыкметай сучаснай беларускай рэчаіснасці. Ідэя – наблізіць умовы пражывання ў сельскай мясцовасці да гарадскіх – у свой час была паспяхова рэалізавана ў межах дзяржаўнай праграмы адраджэння сяла. І развіццю аграгарадкоў пастаянна надаецца новы імпульс. У прыватнасці, Гальшаны – мястэчка са славутай гісторыяй у Ашмянскім раёне – апошнім часам становіцца не толькі аграгарадком, камфортным для пражывання, але і месцам прыцягнення замежных турыстаў. Своеасаблівай візітнай карткай стаў штогадовы фестываль “Гальшанскі замак”.