Міжнародны турнір па баскетболе памяці Героя Беларусі, былога кіраўніка Гродзенскай вобласці Аляксандра Дубко стартаваў у абласным цэнтры. На спаборніцтвы ў праграме першага тура Еўрапейскай баскетбольнай лігі сярод дзяўчат сабраліся 8 каманд з Беларусі, Расіі, Фінляндыі, Латвіі, Чэхіі і Польшчы. На пляцоўцы, дзе праходзяць спартыўныя сустрэчы, адбылася і ўрачыстая цырымонія адкрыцця турніру з удзелам спартыўнай грамадскасці і ганаровай госці – Эмы Дубко, удавы былога абласнога кіраўніка.