Кантракт з БАТЭ заключыў 20-гадовы цэнтральны абаронца Павел Дубоўскі. Выхаванец школы салігорскага "Шахцёра" прайшоў праз усе юнацкія і юніёрскія каманды клуба. У дарослым футболе дэбютаваў у 2023 годзе, калі ў складзе петрыкаўскага "Шахцёра" ўдзельнічаў у першай лізе. Праз год гуляў у гэтым жа турніры, але за салігорскі "Шахцёр-2". У чэмпіянаце-2025 абараняў колеры бабруйскай "Белшыны", разам з якой заваяваў пуцёўку ў вышэйшую лігу. За тры гады ў Д2 правёў 84 матчы, забіў 11 галоў і аддаў 2 дзейсныя перадачы. Асабліва ўдалым з пункту гледжання асабістай статыстыкі выдаўся мінулы сезон, у якім, гуляючы ў цэнтры абароны "Белшыны", Павел забіў 7 галоў. Для параўнання: лепшым бамбардзірам БАТЭ-2, які выступаў у тым жа спаборніцтве, быў форвард Вадзім Кісялёў - 8 мячоў. Сардэчна запрашаем у БАТЭ, Павел!