Кантракт з БАТЭ падпісаў абаронца Крысціян Інтсоен. Ён нарадзіўся 21 ліпеня 1999 года ў горадзе Абонг-Мбанг (Камерун). Выхаванец камерунскай футбольнай акадэміі "Каджы" (Дуала). Першы трэнер - Андрэ Мбасі. У жніўні 2017 года перайшоў у "Ідынг Спорт" (Яундзе), колеры якога абараняў на працягу паўтара года. У снежні 2018 года Інтсоен пераехаў у Беларусь, дзе стаў студэнтам МДЭУ імя Сахарава (вывучаў рускую мову), што не перашкодзіла яму гуляць у футбол - хай і на аматарскім узроўні. Затым Крысціян далучыўся да "Крумкачоў" у першай лізе ў лютым 2020 года, а ўжо ў наступным заключыў кантракт са "Смаргонню". З таго часу камерунскі абаронца не раставаўся з камандай з Гродзенскай вобласці. За пяцігадовы адрэзак ён згуляў 104 афіцыйныя матчы ў яе складзе і быў адным з лідэраў. Больш за тое, у вышэйшай лізе за "Смаргонь" Інтсоен правёў 79 паядынкаў (2 галы, 2 "асісты") і стаў саўладальнікам клубнага рэкорду па іх колькасці. Сардэчна запрашаем у БАТЭ, Крысціян!