Дыялог культур ці стракатае шматгалоссе. Традыцыі гастранамічныя і творчыя прадставілі на абласным свяце нацыянальных культур «Нас з'яднала зямля Беларусі». Фэст сабраў у Бешанковічах прадстаўнікоў розных народнасцяў з 12-ці раёнаў Віцебскай вобласці. Кожны прэзентаваў сваю культуру праз адметныя стравы, дэкаратыўна-прыкладное мастацтва і музыку. Атрымаўся яркі і шумны дыялог культур. Паралельна з выставай-дэгустацыяй нацыянальных страў майстры арганізавалі сваю экспазіцыю. Валагодскія карункі, валенне з воўны, роспіс па тканіне і па дрэве, вырабы з металу. Паспытаць культуру на смак і натхніцца прызнаннямі ў любові да Беларусі – на розных мовах. Непаўторная атмасфера свята нацыянальных культур – у праграме «Вяскоўцы». © Телерадиокомпания «Витебск» 2025