Звярнуў увагу, што фонд Фонд солидарности BYSOL/Belarus solidarity foundation ужо больш за тры гады вядзе збор “на дапамогу беларускім добраахвотнікам ва Украіне”. У апісанні напісана, што грошы ідуць на каскі, бронежылеты, медыцыну, лагістыку. Усё, здаецца, лагічна. Але на старонцы збору стаіць фота канкрэтнага падраздзялення 1 асобнай брыгады ТА імя Івана Богуна. На жаль гэты падроздзел не існуе з красавіка 2024 года. Падроздзел зменіў назву і па словах Беларускага ваяра Андрэя Судзілоўскага Беларусаў ў гэтым падроздзеле зараз няма. Так, я звязаўся з адным з тых, хто сапраўды быў у гэтым падраздзяленні. А. Судзілоўскі сказаў, што ўпершыню чуе пра гэты збор. Ні ён, ні яго сям’я не атрымлівалі ніякай дапамогі з гэтых сродкаў. Яшчэ адзін момант: спачатку мэта збору была 130 тысяч еўра, цяпер — ужо 180 тысяч. Розніца — 50 тысяч. Але нідзе няма тлумачэння, калі і чаму гэта змянілася. І яшчэ — важная дэталь. На старонках збору няма даты стварэння. Ні на гэтым зборы, ні на іншых. Гэта значыць, што немагчыма зразумець, калі менавіта збор быў адкрыты, як даўно ён доўжыцца і ці абнаўлялася інфармацыя. У дабрачынных праектах звычайна гэта пазначаецца адкрыта, каб людзі ведалі, куды і калі ідуць іх грошы. Таму пытанні ўзнікаюць самі сабой: • Калі збор не пад канкрэтнае падраздзяленне, чаму выкарыстоўваецца яго фота? • Каму ідуць гэтыя сродкі цяпер? • Чаму павялічылася мэтавая сума? • І чаму няма даты стварэння збору? Гэта не абвінавачанні. Гэта спроба разабрацца, як працуе сістэма дапамогі, на якую беларусы пералічваюць грошы з апошняга, часам давяраючы ёй больш, чым дзяржаве. Празрыстасць — гэта не фармальнасць, а аснова даверу. На жаль давер істотна падарваны, але Байсол афіцыйны фонд і ён існуе, а таму павенен нейкім чынам рэабілітавацца, інакш… Пытанні я накіраваў у Фонд Байсол як чалец КР Беларусі)