🕛 9 жніўня, Мітынг і хвіліна маўчання На Лукішскай плошчы сабралася каля 200 чалавек. Былі словы праўды і словы болю, былі гісторыі, ад якіх у вачах з’яўляліся слёзы. Мы ўспомнілі тых, каго няма, і тых, хто цяпер у турмах. Усе разам сталі ў хвіліну маўчання — і гэта маўчанне было гучней за любыя лозунгі. Мы ўзгадвалі жыхароў Брэста, якія трапілі ў турмы за тое, што вадзілі карагоды на вуліцах горада. Мы таксама вадзілі карагод так, як гэта рабілі нашы продкі. Мы пачулі чыстую ўкраінскую мову ад літоўца, які шмат зрабіў дзеля Ўкраіны. Жыльвінас Світоюс заклікаў усіх беларусаў у сваім змаганні за волю і незалежнасць выкарыстоўваць зброю, якая даступна кожнаму - беларускую мову. І сапраўды, рускі свет лезе туды, дзе гучыць руская мова. Мы далучаемся да яго заклікаў. https://t.me/REBELarus1 @REBELarus20 [email protected]