Sož on stage: Baisan / Paul Szybieński / Andy Peczynski / Mikhail Karpenka. Video — Yauhen Shapchyts, mixing and mastering — Paul Szybieński. Merch / support the band — https://sozband.bandcamp.com/ Алесь «Baisan» Плотка, лісты невядомаму слухачу. Ліст восьмы, 10.11.2025, Мангейм. Ну здароў, дарагі мой чарговы рэтраградны Меркурый. Мой ліст будзе вельмі кароткім і праўдзівым. Тэкст песні "Калейдаскоп" напісаны мною пра ўдзельнікаў гурта, чалавечую любоў да іх і творчую магію, якая і рухае гэта ўсё наперад. Некаторыя ўдзельнікі гурта лічылі гэты трэк нашым найлепшым творам, а некаторыя -- найгоршым. Самая забаўная штука ў тым, што гэтую песню мы амаль ніколі не маглі нармальна выканаць: то адзін нешта выбрыкне, то другі. Пры тым, што песня вельмі простая. Вось так часам бывае нават з людзьмі, у кожнага з якіх 15-20 гадоў на сцэне. Навокал мяне нейкая мангеймская (манхаймская? манхеймская?) Навабеліца. Я жыву ў нумары 624 (паклічце нумаролага), а мой нямецкі геноссэ Артур -- у 622, і ў яго яшчэ ёсць піва. Таму я пайду. Канец паведамлення. ТЭКСТ Калейдаскоп Калейдаскоп з разбітых люстэркаў, Пацёртых фарбаў, празрыстых лёсаў, Пустых вітражоў, дзе ў кожным аскепку Ты трошкі кароль і трошкі геноссэ. Можна схавацца ў акулярах, Нічога незвычнага, jedem das seine, Нічога незвычнага: рэальнасць і мары Як Франкфурт-на-Одэры і Франкфурт-на-Майне. Калейдаскоп, гуляюцца цені. Калейдаскоп, трымай акуратна. Глядзі, як прыгожа танчаць імгненні На ўсіх натальных пацёртых картах. Калейдаскоп, не шукаю адказу, Калейдаскоп, гучыць музыка ветру, Гучыць наш колер і значыць мы разам, Бясконцая колькасць цэнтраў. Калейдаскоп з разбітых люстэркаў, Пацёртых фарбаў, празрыстых лёсаў, Не мерай мяне сваёй меркай, Не ўскладняй, усё даволі проста. Не заганяйся, не думай пра гэта, Та-дам, та-дам, вось табе ісціна, Вечнае жыццё на парадзе планетаў. Ніколі? Заўжды? Калісьці? Калейдаскоп, гуляюцца цені. Калейдаскоп, трымай акуратна. Глядзі, як прыгожа танчаць імгненні На ўсіх натальных пацёртых картах. Калейдаскоп, не шукаю адказу, Калейдаскоп, гучыць музыка ветру, Гучыць наш колер і значыць мы разам, Бясконцая колькасць цэнтраў.