Гісторык Сяргей Токць працягвае "Адкрытыя лекцыі падчас пандэміі" з Цэнтру гарадскога жыцця. І набліжае нам падзеі апошняй эпідэміі, з якой 170 год таму змагаліся жыхары беларускіх земляў. Змагаліся на розны капыл. Прыадкрыем гістарычную таямніцу: выраблялася 7 вёдзер алкаголю ў год на жыхара Гарадзеншчыны, а ў адным вядры 12,3 літры. Лічыце самі :) У Гародні на кожныя 90 гарадзенцаў быў свой бар (шынок). У лекцыі таксама пра тое: - чым адрознівалася папулярнае ў нас трохпробнае віно ад папулярнага ў Расіі палугару? - колькі тады каштаваў у Гродне літр гарэлкі і кілаграм мяса (веганы вельмі ўсцешацца :) ? - чаму гарадзенскія габрэі былі самымі зацятымі актывістамі "брацтваў цвярозасці"? - чаму на захадзе Гарадзеншчыны неверагодна папулярным напоем было піва? І ўвага! Як толькі беларусы сталі свабоднымі ад прыгону, колькасць спажывання алкаголю пачала рэзка зніжацца і зніжалася стабільна да сярэдзіны ХХ стагоддзя. Будзьце свабоднымі!!!