У 1930-я гады беларусы, у тым ліку сям’я Салагубаў з Вілейскага раёну, выехалі на заробкі ў Францыю. У 1935 годзе ў горадзе Алес нарадзіўся Алесь Салагуб. Пасля Другой сусветнай вайны сям’я вярнулася ў СССР, пад уплывам савецкай прапаганды, дзе іх чакала цяжкая праца на шахце і ўмовы жыцця, далёкія ад чаканых. Праз 53 гады Алесь напісаў ліст прэзыдэнту Францыі Жаку Шыраку і вярнуўся ў родны горад. У дакументальным праекце разглядаецца вяртанне да мовы дзяцінства, сустрэча з сябрамі, а таксама цяжкасці, якія ўзніклі з-за памылкі, зробленай пад уплывам прапаганды.