Sož on stage: Baisan / Paul Szybieński / Andy Peczynski / Mikhail Karpenka. Video — Yauhen Shapchyts, mixing and mastering — Paul Szybieński. Merch / support the band — https://sozband.bandcamp.com/ Алесь «Baisan» Плотка, лісты невядомаму слухачу, ліст трэці, 22.09.2025, восеньскае роўнадзенне: Восеньскае роўнадзенне пасля сонечнага зацмення – што можа быць лепей, каб зрабіць высновы з мінулага і захаваць базу для будучыні. Песня “Трэці рэгіён” (ці “Троіца”) – акурат пра гэта, пра базу. Яе публікацыю хочацца прысвяціць усім гомельскім людзям планеты, а таксама ўсім, хто нас разумее і цэніць. Самыя шчырыя словы ўдзячнасці хочацца адрасаваць людзям, якія жывуць у Гомелі, і якія ўвесь час былі з намі. За ўвесь час існавання гурта мы адчувалі гэтую нябачную падтрымку – праз каментары ў сацыяльных сетках, праз мерч, які замаўляецца і давозіцца на Радзіму партызанскімі тропамі. Мы ўдзячныя кожнаму слухачу, але гэтая падтрымка асабліва каштоўная. Менавіта таму так важна музыкам па гэты бок жалезнага занавеса рэлізіць свае песні – абавязак перад людзьмі дома. На сённяшні дзень я не магу дакладна сказаць, ці пабачыць свет студыйны альбом. Але часам і жывыя альбомы становяцца болей актуальнымі за студыйныя, а неідэальнасць жывога выканання кампенсуецца драйвам і атмасферай. Ну і пагатоў, жывы альбом – самае месца для панк-малебна па роднай зямельцы. Цікава, што менавіта гэты панк-баявік збіраў пазітыўныя каментары ад вельмі розных наведнікаў нашых канцэртаў: ад сапраўдных панкаў, да эстэтаў ад музыкі. Першапачатковай ідэяй было зацыкліць луп з песні “Радыёактыўны фон” з гітарай і кашлем Жывалеўскага (які і названы ў песні “апосталам Федзям”), але пры запісе ЕР была зафіксаваная авангардная версія гэтай песні (якая не ўсім падабалася). Таму гэтай публікацыяй мы вяртаем “Трэці рэгіён” дадому – ў жывы брудны саунд. Welcome home(l)! ТЭКСТ Троіца Я вымяраў жыццё расейскімі рублямі, Грантавымі бабкамі, багамаў караблямі, Адкатамі, палатамі і «хулі ты патлаты, а?», І Кактэбеля зоркамі і пляжаў карэматамі, Златувкамі, карунамі і танцамі з фартунаю І самай лаканічнаю серпастай, сука, рунаю, Надзейнымі мужчынамі, прывабнымі жанчынамі, І заставаўся сам сабе і следствам і прычынаю. Слухай толькі вецер, «Радыяктыўны фон», Мой апостал – Федзя. Я – трэці рэгіён. Езус не прыедзе З дагонам на раён, Нам троіца не мроіцца: Мы – трэці рэгіён. Тут гадаваўся ты шансонам і начосамі, Высоткамі, пілоткамі і самагонам просавым, Касцетамі, штакетамі, дождями-пистолетами І бэзава-крывавымі апошнімі білетамі. Тут практыкі духоўныя здараюцца на поўню І лопаюцца лёсы артэрыямi соннымi, Тут троіца, брацюня, адрозная ад фільмаў: Калі піздзіш кабель, то цягні трохжыльны. Слухай толькі вецер, «Радыяктыўны фон», Мой апостал – Федзя. Я – трэці рэгіён. Езус не прыедзе З дагонам на раён, Нам троіца не мроіцца: Мы – трэці рэгіён.