Былы кандыдат у дэпутаты ад БХД па Купалаўскай выбарчай акрузе і былы назіральнік на 414 выбарчым участку падчас парламенцкай кампаніі ў СШ 125 Пятро Папраўка па выніках назірання заявіў пра масавыя фальсіфікацыі. http://bit.ly/2shxQbE Гэтак, паводле яго, яўка ў дзень галасавання была завышаная амаль удвая. Таксама, адзначыў Пятро Папраўка, у яго адмаўляліся браць скаргу па гэтым факце. “І я тады выказаў сябрам камісіі, якія лічылі. Ведаеце што, суайчыннікі, вы толькі што зрабілі злачынства, адказнасць за якое прадугледжаная двума артыкуламі Крымінальнага кодэксу. І вы крадзеце ў нашай краіны нашу будучыню. Вы крадзеце ў сябе сваю будучыню. Вы не маеце аніякага маральнага права пасля прасіць сабе павышэння заробку. Вы – злачынцы”, - заявіў былы назіральнік. Ён адзначыў, што пасля ягонага напаміну пра лёс французскіх манархаў, якія не ўлічвалі патрабаванняў людзей, чальцы камісіяў “разбегліся, як прусакі”, а працаўнікі міліцыі і МНС запатрабавалі пакінуць памяшканне. “Гэта ўсё падман і крадзёж будучыню нашай Беларусі. На хлусні, мане, подласці ніякай будучыні пабудаваць немагчыма. Ніякі інвестар сюды не прыйдзе і грошай не ўкладзе”, - заявіў Пятро Папраўка. Ён заклікаў падпісаць петыцыю за змены выбарчага заканадаўства, далучацца да назірання і дэмакратычных сілаў. Нашая старонка – https://bchd.info/ Падпісвайцеся на наш канал http://bit.ly/2MAXMYw Далучыся да нас у сацыяльных сетках TELEGRAM – https://t.me/bchd_info FACEBOOK – http://bit.ly/2ZrgvaV VKONTAKTE – http://bit.ly/2TWYBfj OK.ru – http://bit.ly/33U8BKL INSTAGRAM – http://bit.ly/2L4828L TWITTER – http://bit.ly/2PcdFXL Па ўсіх пытаннях – [email protected] #БХД #выборы #наблюдатели