Прадстаўнікі пяці палітычных структураў (Рух «За Свабоду», АГП, БСДП, партый БХД і БНФ) правялі 27 студзеня супольную прэс-канферэнцыю, на якой абвясцілі пра пачатак працэдуры абрання адзінага кандыдата ў прэзідэнты. http://bit.ly/2GpR16L «Апазіцыя аб'ядналася для выбару адзінага кандыдата на прэзідэнцкіх выбарах ўпершыню за 15 год – з 2005 года. Мы пагадзіліся, што незалежна ад таго, хто будзе абраны адзіным кандыдатам, мы ўсе разам будзем працаваць на яго падтрымку і не будзем вылучаць ці падтрымліваць іншага», - адзначыў старшыня Руху «За Свабоду» Юрый Губарэвіч. У беларускім грамадстве існуе выразны запыт на з'яўленне адзінага кандыдата які прапануе альтэрнатыву тупіковаму курсу дзейснай улады. Імя кандыдата будзе названае ў другой палове траўня і ён «стане адзіным рэальным і незалежным супернікам сённяшняга кіраўніка краіны». «Мэта нашай кампаніі – перамога. Аднак яна магчымая толькі праз далучэння вялікай колькасці грамадзянаў да кампаніі Адзінага, да абароны права на сумленныя выбары ў Беларусі. Мы будзем працаваць дзеля далучэння як мага больш шырокага кола грамадзянаў у працэс вылучэння адзінага кандыдата, падтрымкі яго кампаніі і абароны свайго выбару», - заявіў сустаршыня Партыі «Беларуская хрысціянская дэмакратыя» Віталь Рымашэўскі. Па ягоных словах, каманда прапануе не толькі асабістую альтэрнатыву Лукашэнку, у собе адзінага кандыдата, але і праграму сістэмных рэформаў, як альтэрнатыву палітыцы дзеючай улады. Прапановы ў яе будуць рыхтавацца і збірацца пад час праймерыз, з імі абраны палітык і яго каманда будзе працаваць пад час кампаніі і па яе завяршэнні. “Мы разумем, што ўлада баіцца, што дзеючы кіраўнік дзяржавы болей не мае падтрымкі большасці беларусаў. З гэтай прычыны будуць вылучацца спарынг-партнеры для Лукашэнкі, і адначасна улада будзе спрабаваць незарэгістраваць АК. Таму. У выпадку нерэгістрацыі АК альбо масавых рэпрэсій у дачыненні да кіраўніцтва і актывістаў кампаніі можа быць прынята рашэнне аб актыўным байкоце”, - заявіў сустаршыня Партыі «Беларуская хрысціянская дэмакратыя» Віталь Рымашэўскі. Пра працэдуру праймерыз распавёў в.а. старшыні Аб'яднанай грамадзянскай партыі Мікалай Казлоў. Па ягоных словах, агульны кандыдат будзе абраны паводле чатырох складнікаў: галасавання пад час паездак у рэгіёнах (30 балаў), галасавання ў інтэрнэце (30 балаў), галасавання на выніковым Кангрэсе дэмсілаў (30 балаў). Яшчэ 10 балаў падтрымкі размяркуюць паміж удзельнікамі структуры, якія арганізуюць працэдуру. «Адной з задачаў праймерыз з'яўляецца забеспячэнне палітычнай канкурэнцыі сярод удзельнікаў кампаніі, роўныя магчымасці і сумленны падлік галасоў», - падкрэсліў Казлоў. Прыняць удзел у праймерыз можна як ад рэспубліканскай арганізацыі, так і прад'явіўшы наяўнасць каманды з 200 актывістаў, распавёў пра магчымасці далучэння да працэсу старшыня Беларускай сацыял-дэмакратычнай партыі (Грамада) Ігар Барысаў. Кожны прэтэндэнт на ўдзел павінны адпавядаць шасці крытэрам: выступаць за незалежную Беларусь і супраць дыктатуры, за абарону сацыяльных і эканамічных правоў грамадзян, за выхад Беларусі з АДКБ, скасаванне дамовы аб саюзнай дзяржаве Беларусі і Расіі і вывад замежных ваенных аб’ектаў з тэрыторыі Беларусі, за развіццё беларускай мовы і культуры, за добрасуседскія раўнапраўныя стасункі з ЕС, ЗША, Расіяй і іншымі краінамі. Адзіны кандыдат таксама лічыць недапушчальным умяшальніцтва знешніх сілаў ва ўнутраныя справы Беларусі. Пасля абрання адзіным кандыдатам, дадаў Барысаў, з палітыкам будзе падпісанае пагадненне. Кожны з удзельнікаў робіць унёсак у эквіваленце 500 еўра для арганізацыі праймерыз. Сродкі ідуць на паездкі па рэгіёнах, арганізацыю Кангрэсу дэмакратычных сіл і стварэнне платформы для галасавання. Нашая старонка – https://bchd.info/ Падпісвайцеся на наш канал http://bit.ly/2MAXMYw Далучыся да нас у сацыяльных сетках TELEGRAM – https://t.me/bchd_info FACEBOOK – http://bit.ly/2ZrgvaV VKONTAKTE – http://bit.ly/2TWYBfj OK.ru – http://bit.ly/33U8BKL INSTAGRAM – http://bit.ly/2L4828L TWITTER – http://bit.ly/2PcdFXL Па ўсіх пытаннях – [email protected] #выборы2020 #северинец2020 #БХД