Ва ўзаемнай ацэнцы дзеці добра разумеюць аднакласніка, работу якога правяраюць, таму што самі выконвалі тую ж задачу, а з другога боку, вучацца ў яго іншаму падыходу да праблемы. Вучню значна лягчэй атрымаць зваротную сувязь ад партнёра, таму што яна напісана зразумелай яму мовай, словамі, якімі дзеці карыстаюцца штодня. Пры гэтым у ролі настаўніка вучні робяцца больш адказнымі, імкнуцца напісаць добры каментар і такім чынам самі вучацца. Узаемаацэнка выхоўвае самастойнасць і адказнасць за сваю працу, зніжаецца трывожнасць і павышаецца самаацэнка і амбіцыі. У роліку выкрыстаны фрагмент урока матэматыкі СШ № 17 г. Барысава. Настаўнік Кацярына Ветрава.