Навумава, Журкевіч, Янукевіч – “асуджаныя за адсутнасьцю доказаў” 11 верасьня ў Першамайскім судзе Віцебску судзьдзя Натальля Карабліна ўрэшце вынесла рашэньне ў адміністрацыйным працэсе з удзелам індывідуальнага прадпрымальніка з вышэйшай юрыдычнай адукацыяй Сяргея Януковіча і студэнтаў чацьвёртага курса ВДТУ Юліі Навумавай і Цімафея Журкевіча. Усіх трох вінавацілі ў парушэньні парадку арганізацыі і правядзеньня масавых мерапрыемстваў, актыўным удзеле ў недазволеным пікетаваньні. Адказнасьць за правапарушэньне прадугледжана ч.1, арт. 23.34 КаАП. Суд, які пачаўся 10 верасьня, выклікаў грамадзкі рэзананс. Яшчэ да пачатку судовага разгляду судзьдзя Карабліна загадала грамадзянам, якім не хапіла пасадачных месцаў, пакінуць судовую залю. Відаць гэтая акалічнасьць і штучнасьць высунутых супраць маладзёнаў абвінавачваньняў спрычынілася да таго, што працэс праходзіў вельмі нэрвова: з выдаленьнямі, трыма перапынкамі і шматлікімі заўвагамі прысутным. У выніку вынясеньне канчатковага рашэньня судзьдзя перанесла на наступны дзень. 1 верасьня Сяргей Януковіч і Цімафей Журкевіч, якія, па іх сьцьвярджэньні да гэтага дня нават ня ведалі адзін аднаго, зьбіралі ля ВДУ ім.Машэрава подпісы пад заявай аб правядзеньні сходу з дэпутатамі Палаты прадстаўнікоў па чатырох віцебскіх акругах. У далейшым, калі тое вырашыць сход, меркавалася распачаць працэс адкліканьня дэпутатаў. Юлія Навумава, аднакурсьніца Журкевіча, подпісаў не зьбірала, а падышла, каб сустрэцца з сябрам. Як патлумачылі ў судзе Журкевіч і Януковіч, закон дае грамадзянам права на правядзеньне сходу з дэпутатам. Для гэтага трэба сабраць 150 подпісаў. На сходзе мусіць прысутнічаць 300 чалавек. І калі выбарцы зробяць выснову, што дэпутат не выконвае сваіх абавязкаў, яны маюць права распачаць працэс адкліканьня. Што тычыцца збору подпісаў, то згодна заканадаўству ён не патрабуе звароту па дазвол да ўладаў. Бок абвінавачваньня выказаў іншае меркаваньне: маладзёны прыйшлі да ўнівэрсытэту, каб узяць удзел у масавым мерапрыемстве. Справа ў тым, што каля 19 гадзінаў па Маскоўскім прасьпекце прайшла арганізаваная калёна з двума бел-чырвона-белымі сьцягамі, якая на непрацяглы час спынілася поруч з зборшчыкамі подпісаў. Пасьля таго, як калёна сышла, удзельнікаў збору подпісаў адвезьлі ў аддзяленьне РАЎС для высьвятленьня асобаў, але абвінавацілі ва ўдзеле ў пікетаваньні. Сваёй віны ніхто с удзельнікаў адміністрацыйнага працэсу не прызнаў. У якасьці прэцэдэнту і доказу сваёй невінаватасьці яны прадставілі афіцыйны адказ з Палаты прадстаўнікоў аб тым, што збор подпісаў грамадзянаў пад калектыўным зваротам у грамадзкім месцы не зьяўляецца парушэньнем заканадаўства аб масавых мерапрыемствах. Адказ адрасаваўся жыхару Брэста. Цімафей Журкевіч нагадаў суду, што, калі міліцыянты загадалі калёне разысьціся, ён папрасіў удзельнікаў несанкцыянаванага шэсьця адысьці ад зборшчыкаў подпісаў, каб міліцыянты не маглі іх атаясамліваць. Юлія Навумава ўдзелу ў зборы подпісаў не прымала, стаяла поруч з Цімафеем Журкевічам, а ў руках трымала тры аркушы адказу з Палаты прадстаўнікоў, якія на просьбу прысутных міліцыянтаў былі раздрукаваныя ў копіцэнтры. Пры канцы разьбіральніцтва Журкевіч і Януковіч яшчэ раз нагадалі суду: ніякіх дзеяньняў, зьвязаных з пікетаваньнем, пад час збору подпісаў яны не зьдзяйсьнялі. Ніякіх лёзунгаў не выгуквалі, транспарантаў, плякатаў і іншай сымболікі ў руках ня мелі. Прагляд відэазапісу не пацьвердзіў удзелу маладзёнаў у масавым мерапрыемстве. Адзіная “віна” – на нейкі час яны зьліліся з калёнай пратэстоўцаў, да якой ня мелі ніякага дачыненьня. 11 верасьня судзьдзя Карабліна прызнала даказанай віну ўдзельнікаў працэсу за правапарушэньне прадугледжанае ч.1, арт. 23.34 КаАП і аштрафавала Цімафея Журкевіча на 1 базавую велічыню(27 рублёў), Сяргея Януковіча на 2 базавыя велічыні ды вынесла папярэджаньне Юліі Навумавай. Сяргей Януковіч пракамэнтаваў судовае рашэньне: “ У цывілізаваных краінах існуе гэтакая фармулёўка суду: “апраўданы за адсутнасьцю доказаў”. У нашай краіне склалася цалкам супрацьлеглая фармулёўка: “асуджаныя за адсутнасьцю доказаў”. Калі ўсе разумеюць, што чалавек невіна Помощь каналу на тел.+37529 5294363