ПРЕМЬЕРА ПЕСНИ! НЕ ЗАБЫВАЙЦЕ ПРА МЯНЕ Вершы леанід ПРАНЧАК Музыка Яўген КУРАСАЎ Спявае Яўген КУРАСАЎ 2025 Стихи леонид ПРОНЧАК Музыка Евгений КУРАСОВ Поёт Евгений КУРАСОВ 2025 НЕ ЗАБЫВАЙЦЕ ПРА МЯНЕ! леанід ПРАНЧАК Такое выпала жыццё: Шляхі-дарогі, акіяны. Расстання белыя туманы І настальгіі пачуццё. Цяпер нічога не змяніць. Як ёсць так ёсць і дзякуй Богу. Адкінуць стому і знямогу І жыць таму, што трэба жыць. Не забывайце пра мяне. Праз перашкоды і сурокі На яве ці ў самотным сне Згадайце голас мой далёкі. Самотай сэрца ўскалыхне Трывог і клопатаў развязка: Не забывайце пра мяне! Не забывайце, калі ласка. Прывыкнуць можна да ўсяго, Апроч няшчырасці і злосці, Бо сэрца прагне прыгажосці, Бо сэрцу хочацца таго, Што нас яднае праз гады Святою верай і любоўю. Мяне з табой, цябе са мною Аднойчы і назаўсягды. Не забывайце пра мяне. Праз перашкоды і сурокі На яве ці ў самотным сне Згадайце голас мой далёкі. Самотай сэрца ўскалыхне Трывог і клопатаў развязка: Не забывайце пра мяне! Не забывайце, калі ласка. Няхай цяпер далёка я, Шукаю ўсякую нагоду Каб быць сярод свайго народу Там, дзе жыве душа мая. Прасветлай зболенай тугой Да роднай сэрцу Беларусі Я гэтай песняю вярнуся У родны кут бацькоўскі мой! Не забывайце пра мяне. Праз перашкоды і сурокі На яве ці ў самотным сне Згадайце голас мой далёкі. Самотай сэрца ўскалыхне Трывог і клопатаў развязка: Не забывайце пра мяне! Не забывайце, калі ласка. 01.01.2025