Мы хацелі б прадставіць вам твор, які мае мноства розных аспектаў: 1. Верш Алеся Гаруна "Ідуць гады", напісаны больш за 100 гадоў таму, з вельмі глыбокай філасофіяй, якая дагэтуль актуальная і будзе актуальнай заўсёды 2. Музыка напісана штучным інтэлектам пад кіраўніцтвам чалавека :) Спадзяемся, што ён будзе вам цікавым і падштурхне вас да роздуму пра чалавецтва і штучны інтэлект ​@Viaai-music Ігар Каралькевіч зрабіў гэтае відэа з дапамогай сэрвіса штучнага інтэлекту https://suno.com і відэакліпамі Келі і Антоні Шкраба з https://pexels.com --- Верш Алеся Гаруна "Ідуць гады" --- Ідуць сабе гады, ідуць, Бы карагод, бясконца, Што ў небе зорачкі вядуць Ля месяца, ля сонца. Ідуць сабе гады, ідуць – І чалавек за імі. Куды цябе яны вядуць І сцежкамі якімі? "Няведама мне, скуль усё і што я; Няведама мне сама сцежка мая, Няведама мне, і куды я іду. Пытання ня маю, ці што там знайду, Ня ведаю жыццё, ці шчасце, ці не, – Пачалося гэта, браток, не на мне". Ідуць гады, ідуць гады, І з імі ўсё на свеце. Сягоння ты, а йшлі дзяды, А заўтра пойдуць дзеці. Ідуць гады, і ты ідзеш Ўздагон за імі, з імі. Нашто, скажы мне, ты жывеш І з думкамі якімі? "З аднэю я думкай у свеце жыву, Настаўнікам ўзяўшы і лес і траву, Крыніцы, і кветкі, і цемру, і свет, І месяц, і зоры, і сонца прывет. Прысуджаны шлях свой рабі дарагім, Красуйся на радасць сябе і другім". 1913?