http://www.baravik.org Паводле п'есы Янкі Купалы "Тутэйшыя". Яскравая камедыйна-фарсавая пастаноўка спалучае народныя беларускія сцэнічныя традыцыі і сучасную метафарычную стылістыку. Дзеянне знакамітай п'есы Янкі Купалы адбываецца пасля рэвалюцыі 1917 года, калі ў Беларусі з неверагоднай хуткасцю мянялася ўлада: бальшавікі, немцы, палякі, зноў бальшавікі. Самааддана навучыўся прыстасоўвацца да кожнай "політычнай сітуацыі" герой спектакля - "тутэйшы" Мікіта Зносак. У галоўнай ролі - заслужаны артыст Рэспублікі Беларусь Віктар Манаеў Спектакль - лаўрэат Дзяржаўнай прэміі Рэспублікі Беларусь, 1992 г. Прэм'ера: 17.10.1990 г.