Хто вiноўны я не знаю Толькi лёс нiбы знарок Усё да пары я - малая А каханы мой - высок Гляну ў цэркву: люба-мiла Прыгадаю спадціха Што па росту мне хапiла б Майго росту жанiха Ды сама я маўчу Бо яго не карачу Гэта трэба, грэх, дый годзе, Не да жартаў мне зусiм Паказацца пры народзе Нельга разам абаiм Нехта выдумку такую Распусціў на цэлы свет, Што калі яго цалую - Падстаўляю табурэт. Верце мне, не хлушу - Табурэта не нашу. У адным я вінавата, Што мой рост мілога гне, І таму сутулаваты Ён зрабіўся праз мяне. Людзі кпяць, а ён бядуе, Што гарбатым стане сам, І тады я забракую І тады адстаўку дам. Хоць сагнецца ў дугу - Я пакінуць не змагу. Я пакінуць не змагу! --- Таксама знойдзен вось такi варыянт тэксту: Хіба ж людзі сэрца маюць?.. І ці ж гэта назнарок Мы сышліся: я – малая, А каханы мой – высок. Ім няўцям, як мне з ім міла, Як жартую спадціха, Што па росту мне хапіла б І паловы жаніха. Пажартую – замаўчу, Бо яго не ўкарачу. Толькі гора.. на народзе Паказацца абаім Неяк смешна – грэх, дый годзе, - Хоць пакінь страчацца з ім. Нехта выдумку такую Распусціў на цэлы свет, Што калі яго цалую - Падстаўляю табурэт. Верце мне, не хлушу - Табурэта не нашу. У адным я вінавата, Што мой рост мілога гне, І таму сутулаваты Ён зрабіўся праз мяне. Людзі кпяць, а ён бядуе, Што гарбатым стане сам, І тады я забракую І яму адстаўку дам. Хай сагнецца ў дугу - Я пакінуць не змагу. --- Музыка Юрыя Семянякі, на верш Алеся Бачылы. Па другой версіі словы народныя. --- Гісторыя кахання, крыху жартоўная. Продкі моцна бераглі сямейныя каштоўнасці, але і пасмяяцца з сітуацыі таксама ўмелі, выражаючы пачуцці ў песеннай манеры. Напрыклад, як быць, калі каханы высокі, а каханка нізенькая? Адказ у песні “Хіба ж людзі сэрцы маюць", альбо "Я – малая”. У суправаджэнні сэкстэту домр Беларускага тэлебачання і радыё, пад кіраўніцтвам мастацкага кіраўніка Леаніда Смялкоўскага, гучыць серабрысты голас прымы беларускай оперы Людмілы Златавай. Фрагмент архіўнага тэлезапісу, зробленага ў кастрычніку 1968 года. Крынiца iнфармацыi: Белтэлерадыёфонд, сацыяльныя сеткi.