Я бачыў, як вецер па полі гуляў, Зямлю ўзрываў і бярозкай хіляў, Заносіў пяском сенажаткі, лагчынкі, Ламаў на бярозцы жывыя галінкі. Я бачыў, як ястраб галубку забіў, І выклеваў сэрца, і цёплу кроў піў; Віхор яе пер’е і косці развеяў; Галуб варкаваў, галасіў без надзеі. Я бачыў дзяўчынку няшчасну адну, Як бегла да рэчкі, нырнула ў ваду! Нагнаў вецер хвалі і след той загладзіў; На беразе вольхі шумелі аб здрадзе. Я бачыў ўсё гэта й душою цярпеў, Застыў смех на губах і песні не пеў, Заплакаў, заліўся маркотнай слязінкай Адзін над бярозкай, галубкай, дзяўчынкай. --- Музыка: Аляксандр Маркевіч Словы: Янка Купала, верш 1906 года Выконвае Аляксандр Маркевіч, 2007 год аўдыё-файл узят з сайта dkbelaz.by #янкакупала