#Вершалюцыя #StandWithBelarus Я буду маліцца і сэрцам, і думамі, Распетаю буду маліцца душой, Каб чорныя долі з мяцеліцаў шумамі Ўжо больш не шалелі над роднай зямлёй. Я буду маліцца да яснага сонейка, Няшчасных зімой саграваць сірацін, Прыветна па збожных гуляючы гонейках, Часцей заглядаці да цёмных хацін. Я буду маліцца да хмараў з грымотамі, Што дзіка над намі гуляюць не раз, Каб жаль над гаротнымі мелі бяднотамі, Градоў, перуноў не ссылалі падчас. Я буду маліцца да зорак і жаліцца, Што гасяць сябе надта часта яны, Бо чуў, як якая з неба з іх зваліцца, З жыцця хтось сыходзе на вечныя сны. Я буду маліцца да нівы ўсёй сілаю, Каб лепшаю ўродай плаціла за труд, Збагаціла сельскую хату пахілую, Надзеі збытымі убачыў наш люд. Я буду маліцца і сэрцам, і думамі, Распетаю буду маліцца душой, Каб чорныя долі з мяцеліцаў шумамі Не вылі над роднай зямлёй, нада мной. Янка Купала (1906) верш чыталі: Iна - Масква, Расiя - Мiнск Валянціна - Бостан, ЗША - Нясвіж Маша - Стакгольм, Швецыя - Жодзіна Слава - Берлін, Германія - Віцебск Юля - Грэнобль, Францыя - Мінск Елена - Фрайбург, Германія - Гродна Яўген - Бостан, ЗША - Мінск Ірына - Прага, Чэхія - Мінск Алена - Цынцынаці, ЗША - Мінск Дзмітрый - Арланда, ЗША - Магілёў Святлана - Венецыя, Iталiя - Мар'iна Горка Кіра - востраў Фемарн, Германія - Петрыкаў Марына - Парыж, Францыя Эмілія - Бардо, Францыя Егор - Гаага, Нідэрланды - Мiнск Вольга - Стакгольм, Швецыя - Мiнск Надзея - Рыга, Латвія - Мiнск Іван - Сант'яга-дэ-Кампастэла, Іспанія - Мінск Антаніна - Стакгольм, Швецыя - Гродна Анна - Берлін, Германія - Мінск Аляксандр - Атава, Канада - Мінск Валянціна - Таронта, Канада - Мінск Валерыя - Кіеў, Украіна - Віцебск Наталля - Матэра, Італія - Рэчыца музыка: кампазітар Дзмітрый Камінскі - Манрэаль, Канада - Мінск у выкананні: Улада - Атава, Канада - Светлагорск Міхаіл - Атава, Канада - Мінск праект “Вершалюцыя” (2020)