Запрашаем Вас далучыцца да сустрэчы з Сяргеем Навумчыкам, беларускім журналістам і палітыкам. У 1990-1996 гадах — дэпутат Вярхоўнага Савету Беларусі, каардынатар парламенцкай Апазіцыі БНФ, сябра Канстытуцыйнай Камісіі і парламенцкай Камісіі ў пытаннях СМІ і правоў чалавека. Удзельнічаў у распрацоўцы і прыняцці Даклярацыі аб дзяржаўным суверэнітэце Беларусі (1990) і абвяшчэнні незалежнасці Беларусі на нечарговай сесіі Вярхоўнага Савету 25 жніўня 1991 г. На сустрэчы Сяргей Навумчык таксама прэзентуе кнігу «Васіль Быкаў 100», якая прысвечана жыццю і творчасці нашага знанага беларускага пісьменніка Васіля Быкава.