Сайт праекта: https://vedaj.by Заслаўе — горад у складзе Мінскага раёна Мінскай вобласці Беларусі, на рацэ Свіслач пры ўпадзенні яе ў Заслаўскае вадасховішча. За 27 кіламетраў ад Мінска, чыгуначная станцыя Беларусь на лініі Мінск-Маладзечна. На аўтадарозе Мінск-Маладзечна. Насельніцтва 15 тысяч чалавек. Паводле архітэктурна-планіровачнага вырашэння Заслаўе падзяляецца на тры часткі, або мікрараёны. Адна з іх — гістарычны цэнтр. Тут знаходзіцца вялікая частка гістарычна-археалагічнага запаведніку, а таксама будынкі індывідуальнай, галоўным чынам старой, забудовы, адміністрацыя горада, установы сацыяльна-культурнага і побытавага прызначэння: дом культуры, бібліятэка, дом сямейных імпрэзаў, агульнаадукацыйная сярэдняя і музычная школы, адмысловая школа-інтэрнат, камбінат побытавага абслугоўвання, атэлье, крамы, бальніца, аптэка. Славутасці і выбітнасці: Заслаўскі замак (вядомы як «Гарадзішча Вал», X-XI стагоддзі); Заслаўскі Марыінскі касцёл (1774-1779 гады); Заслаўская Спаса-Праабражэнская царква, былы кальвінскі збор збудаваны пасярод Заслаўскага замка (XVI стагоддзе); Помнік Рагнедзе і Ізяславу (1993 год) і многае іншае...