Старонка праекта: https://vedaj.by/ У гэтым невялікім відэа, якое выходзіць за рамкі нашай стандартнай тэматыкі, прадэманстравана большасць архітэктурных славутасцяў польскай вёскі Белавежы. Дадзеная буйная вёска, якую можна нават ахарактарызаваць як невялікае мястэчка, размяшчаецца на тэрыторыі Белавежскай пушчы з боку Польшчы зусім побач з мяжой Беларусі. У вёсцы Белавежа з польскага боку сканцэнтравана турыстычная інфраструктура, якая прысвечана актыўнаму адпачынку ў Белавежскай пушчы (гасцініцы, рэстараны, аграсядзібы, пункты пракату рыштунку, музей). Аднак у гэтым відэа, як ужо згадвалася, прадэманстраваны менавіта архітэктурныя славутасці вёскі Белавежы, якія добра дапаўняюць выдатную турыстычную атмасферу гэтага мястэчка, аднак іх адведзіны не з'яўляюцца асноўнай мэтай большасці турыстаў. Да такіх славутасцяў вёскі Белавежа адносяцца: - праваслаўная царква Мікалая Цудатворца, пабудаваная ў 1895 годзе; - старадаўні абеліск, размешчаны побач з царквой; - каталіцкі касцёл, збудаваны ў 1927 годзе; - дом ксяндза, пабудаваны ў 1933 годзе і размешчаны побач з касцёлам; - музей прыроды і лесу, збудаваны ў наш час і размешчаны на месцы страчанага падчас Другой Сусветнай Вайны палаца; - манументальная брама і мноства іншых адметных гаспадарчых і другарадных будынкаў, якія ставіліся раней да палацава-паркавага ансамбля 19-га стагоддзя; - у тым ліку найстарэйшы будынак, сярод тых, якія захаваліся ў вёсцы Белавежа - вельмі выразны драўляны паляўнічы домік; - палацавы парк, які цудоўна захаваўся; - музей пад адкрытым небам драўлянага дойлідства ўсходнеславянскага насельніцтва Польшчы, што размешчаны на тэрыторыі палацавага парку; - ну і некалькі іншых цікавых гістарычных будынкаў мяжы 19-га і 20-га стагоддзяў, якія раскіданыя па ўсёй вёсцы Белавежы.