Поўная версія матэрыялу: https://vedaj.by/index.php/garady/grodna/gro/grodnocity У горадзе Гродна маецца вельмі шмат найкаштоўнейшых славутасцяў, яны размешчаны дастаткова шчыльна. Таму за час палёту вакол цэнтральных Гродзенскіх касцёлаў (пра якія на канале цяпер маюцца асобныя відэа) было фактычна выпадкова адзнята яшчэ некаторая колькасць славутасцяў і выбітнасцяў горада Гродна. У гэтым відэа і паказаныя ўсе гэтыя каштоўныя кадры. Аднак, важна згадаць, што спіс славутасцяў Гродна далёка не вычэрпваецца прадстаўленымі архітэктурнымі помнікамі. Падборка славутасцяў у гэтым відэа не мае нейкага выразнага сэнсу, а абумоўлена абмежаваным рэсурсам дрону, а менавіта, тут усё тое, што ўдалося зняць з астатку зарада батарэі, пасля аблёту касцёлаў: - Рэстаўрацыя і адбудова Гродзенскага Старога замка (XII-XIX стагоддзі). - Гродзенскі палац Новага замка (былы каралеўскі палац, 1737-42, 1945-52). - Касцел Звеставання Найсвяцейшай Панны Марыі і кляштар брыгітак (1642-51). - Касцел Маці Божай Анёльскай і кляштар францысканцаў (каля 1700 года). - Будынак Гродзенскага абласнога драматычнага тэатра (1984).