Сайт праекта: https://vedaj.by/ Гайнаўка - гэта горад у Польшчы, адміністрацыйны цэнтр адпаведнага павета. Горад Гайнаўка размешчаны недалёка ад мяжы Польшчы і Беларусі на заходняй ўскраіне Белавежскай Пушчы. Горад Гайнаўка дзякуючы гэтаму часта называюць брамаю да Белавежскай Пушчы. Большасць грамадзян Польшчы беларускай нацыянальнасці пражывае ў ваколіцах горада Гайнаўка. У самім горадзе Гайнаўка этнічных беларусаў каля 27% ад агульнага насельніцтва, а вось у некаторых навакольных вёсках гэты паказчык даходзіць да 82%. Некалькі дзясяткаў тысяч людзей, сярод тых, што пражываюць у гэтых мясцінах, валодаюць беларускай мовай і, у той ці іншай ступені, выкарыстоўваюць яе ў паўсядзённым жыцці. Беларуская мова таксама выкладаецца тут у многіх школах. У наваколлі горада Гайнаўка на дарожных знаках інфармацыя часам дублюецца на польскай і беларускай мовах, а праваслаўных цэркваў тут больш чым каталіцкіх касцёлаў. Пры гэтым каля 70% вернікаў тут з'яўляюцца праваслаўнымі. Ну і нарэшце, менавіта ў горадзе Гайнаўка размешчаны дастаткова буйны музей беларускай культуры і побыту з вельмі багатай экспазіцыяй. Музей і асяродак беларускай культуры ў горадзе Гайнаўка створаны па ініцыятыве беларускай нацыянальнай меншасці ў Польшчы. Будаўніцтва музея і асяродка доўжылася амаль трыццаць гадоў (працы былі распачатыя ў 1983 годзе). Музей і асяродак беларускай культуры ў горадзе Гайнаўка створаны сумеснымі намаганнямі розных кампаній, устаноў, прыватных асобаў і ўрада Беларусі. На бягучы момант у склад асяродка беларускай культуры ў горадзе Гайнаўка ўваходзіць тры будынкі, у якіх размешчаны: шэсць музейных залаў, кіназала, бібліятэка і гатэль. У экспазіцыі музея прадстаўлены сельскагаспадарчыя прылады працы, творы народнага мастацтва і іншыя культурныя здабыткі. Асяродак служыць беларусам у Польшчы, а музей наведвае мноства турыстаў з розных краін. Такім чынам, горад Гайнаўка - гэта адзін з найбольш значных цэнтраў беларускай культуры ў Польшчы…