Апошнія тыдні беларускія дзяржаўныя СМІ часта кажуць, што «вайна на парозе». Яны хваляцца адзінствам «брацкіх краін» Беларусі і Расіі і абяцаюць сіметрычна адказаць, калі Захад на нас нападзе. Ідзе сапраўдная мілітарыстычная медыа-гістэрыка. Якія могуць быць наступствы? Абмеркавалі са старшым даследчыкам Цэнтра новых ідэй, былым кіраўніком Інстытута сацыялогіі НАН Генадзем Коршунавым. Пра што пагаворым? Беларуская прапаганды спрабуе аб’яднаць народ вакол Аляксандра Лукашэнкі на фоне знешняй пагрозы. Але ці дасягне яна сваёй мэты з улікам галоўнай беларускай мантры «абы не было войны»? Ці гатовы грамадзяне падтрымаць «сіметрычны адказ» ці удзел Беларусі ў расійска-украінскай вайне? Як увогуле людзі ўспрымаюць мілітарызм? Якая дынаміка існуе апошнія гады па гэтым пытанні? Ці не справакуе такая рыторыка дэпрэсію ў грамадстве, масавы ад’езд ці іншыя негатыўныя з’явы?