З вёскі Галынка Клецкага раёна Мінскай вобласці паходзіць шмат смелых і мужных людзей, якія змагаліся за свабоду сваёй Радзімы. Тут выхоўвалася знакамітая пісьменніца і грамадская дзяячка Ева Фелінская, якая ўдзельнічала ў паўстанні 1830 — 1831 гг. У 1863 годзе чынны ўдзел у чарговым антырасійскім паўстанні прынялі гаспадары вёскі Браніслаў і Уладзіслаў Вэндорфы. Сярод паўстанцаў Кастуся Каліноўскага былі і шляхцічы Чыжы, якім у свой час таксама належала Галынка. Распавядае Юрый Жыгамонт.