Эх, шкада, што я так рэдка хаджу на Мову нанова, там заўжды нешта цікавае. Гэта апроч таго, што Мова нанова гэта найлепшы варыянт стаць багацейшым на словы. А хто мовы ведае, таго Альцгеймер не пужае. Гэта я да таго, што да гэтай ініцыятывы ў піццы я яшчэ вярнуся, а сёння - дазвольце прэзентаваць: дуэт "Зорка Венера". Зважайце - гэта першы канцэрт, значыць, рарытэт. "Зорка Венера" гэта Ганка Валынец і Вячка Красулін. Мне было нечакана ўбачыць іх разам, але атрымалася лямпава і добра. Простая акустычная музыка, жывое, неідэальнае, але кранальнае выкананне. Ну і проста сяброўская атмасфера. Ну і канешне перакінуліся парай словаў, праз што відос стаў яшчэ прышпільнейшым.