Я не думаў, што так аператыўна зраблю відэа аб паездцы ў Латвію на фестываль Zobens un Lemess, але, як кажуць, як дадому прыехаў, дык шкура пачала гарэць. Тым больш, што планы на нядзелю адмяніліся. Таму вось вам рэпартаж у двух фарматах адразу – вандроўніцкім і музычным. Тут шпацыр па Баўске, дзе адбываецца фестываль, троху маіх дарожных нататак, нарэзка з розных банд (шмат не рабіў, бо не з маёй якасцю гука канцэрты пісаць), а галоўнае – актуальны каментар аб сённяшняй сітуацыі ад хлопцаў з Khors. Асноўны спікер – Канстанцін Зміеўскі. Паразмаўлялі аб тым, хто зараз беларусы ў вачах украінцаў (у асноўным), як зараз украінскай бандзе трапіць за мяжу на канцэрт ды яшчэ аб тым-іншым. Мяркую, вам цікава будзе. Слава Украіне! P.S. Латвія – ачмурэнная, проста агонь!