У чацвер у клубе Loft мы зладзілі канцэрт, які можна назваць сапраўднай кропкай біфуркацыі беларускай івэнт-прасторы канца 2012-га, -- адначасовую прэзентацыю новых альбомаў гуртоў «СБПЧ» і «Кассиопея». Людзі пачалі падцягвацца яшчэ за гадзіну да пачатку, і падчас першых акордаў святочна-касмічнай буфанады ад «Кассиопеи» ўжо ўтварыўся невялікі біток у сенцах клуба. На танцполе таксама было шчыльна, але гэта не замінала кайфануць ад выступлення і патанчыць як след. Пасля сардэчнага (адданага дзецям) выступу «Кассиопеи» нашыя паўночныя сябры «Самое Большое Простое Число» рытмічна і з душой распавялі пра сваё ідэальнае месца ды зносіны са Снежным чалавекам і папрасілі кожнага падзяліцца самым бязглуздым сакрэтам. А напрыканцы, ужо на біс, пажадалі ўсім, хто з'ехаў з краіны, ніколі не вяртацца, бо тут хуёва.