«Пятля» ў Горадні На мінулым тыдні мы ладзілі чарговы трып у рэгіёны. «Петля Пристрастия» ў рамках «офроўд-івэнтаў 34» адыграла сэт у Горадні. Гэтая паездка ўзняла яшчэ адзін пласт культурніцкіх пытанняў і прэтэнзіяў. Накіраваўшыся ў еўрапейскую сталіцу Беларусі з даволі-такі якасным, як нам здаецца, прадуктам, мы атрымалі неблагі клуб з годным апаратам (штосьці накшталт мясцовага «Рэактара»толькі, кажуць, злёгку гламурны) і чалавек 20 на танцполе. Палова з якіх прыехала з Менску (дзе таксама не ўсё ціп-топ) за порцыяй драйву. Шчыра кажучы, ад Горадні мы чакалі большага. Далей глядзі хронікі трыпу з элементамі расследавання. Піўны ўгар, паўпусты танцпол і «эфект даўбёжкі» як інструмент піяру. Гэты матэрыял -- спроба разабрацца, што адбываецца з жывымі канцэртамі ў рэгіёнах. Што цікавіць маладых людзей па-за Менскам? І што трэба рабіць (у тым ліку нам), каб «добрага качава» ў тваім горадзе было больш?