На доўгія тры месяцы выпаў з жыцця Митя Тарпищев пасля здымак «Славянскага базару». Вінаватыя ў тым цяжкая дэпрэсія і алкагольны дайвінг. Ратавання зорка айчыннага інтэрнэту шукаў ў Польшчы, дзе лячыўся ад запою паводле праграмы Каліноўскага. Не дапамагло. У новай серыі шоу, па якім ужо вучаць дзетак на аддзяленні рэжысуры БАМа, апошні рамантык байнэту шукаў адказы на пытанні на прэзентацыі жаночага часопіса Pink.