Пераклад - Макс Шчур Хлопчык ня сьпіць – пяе яму калыханку Матуля, любаму свайму немаўлятку. “Сьпі, мой сынок, ты на зямлі бог і ўладар, Нябесны рай з табой і ўвесь сьвету абшар. Сьпі ці хоць крышку падрамлі, мой ты сынок. Радасьць мая і ўсёй зямлі, мой галубок. У вышыні хвалу пяе вольны прастор, Славіць жывое ўсё цябе, тысячы зор. Ружа, лілея ты мая, вячорніца, Сьвет табе цэлы, немаўля, паклоніцца. Лебедзь мой, лютня ты мая, мой салавей, Сьпі – як прачнесься, каб пяяў найгаласьней. Золатка, сьпі, анёлаў хор хай памаўчыць, Мы не адны – чуйнуе бог з намі ўначы. Да грэшных нас сышоў зь нябёс Ягоны сын, Уратаваньне й мір прынёс людзям усім.”