Мы выйдзем шчыльнымі радамі на схілы Гімалайскіх гор. Хай Тара вечна будзе з намі, а Мары мы дамо адпор. Хай аджыве наш рэлігійны, наш ламаісцкі вольны дух. Штандар ты наш чырвона-сіні, пакрый сабой касьмічны рух. Браты! За шчасьце і за волю Тыбету слаўнага свайго! Кітайцаў шмат, а Буддаў болей – і ўсе за нас, да аднаго! Імя і сілу Далай-ламы няхай пачуе й бачыць той, хто нас ад імя бога Ямы захоча выклікаць на бой. Браты! Мы ў Тýшыту сыходзім, хай гром грыміць ці не грыміць – Зь пяску Мандалу мы народзім, каб потым тут жа разбурыць. Хай аджыве наш рэлігійны, наш ламаісцкі вольны дух. Штандар ты наш чырвона-сіні, пакрый сабой касьмічны рух.