Пераклад - Макс Шчур Ня будзем жаліцца, сябры, Зарана вешаць нос, Бо нездарма на радасьць нам Прыйшоў у сьвет Хрыстос. Збавеньне ад ярма грахоў Ён кожнаму прынёс. Ой, пачуйце той радасны сьпеў, Радасны сьпеў, Ой, пачуйце той радасны сьпеў. Ён дасьць нясьмелым супакой, Пакору ўладарам, Ён кожны сьціплы закуток Ператварыў у храм. Прынёс надзею ў гэты сьвет І ўратаваньне нам. Дык выйдзем зорку сустракаць, Турбот адкінем тлен, Як мудрацы, што йшлі вітаць Ісуса ў Бэтлеем. Укленчым перад Спадаром І ўздымемся з кален. Уславім Госпада, сябры! Усе, што нас тут ёсьць, Абдымемся адны з адным, Нячысьціку на злосьць, Бо з намі Чалавечы сын – Хрыстова Ягамосьць.