Хто сьпіць у маткі на руках Бязгрэшным сном дзіцяці? Анёлы ім сьпяваюць гімн, Люляе сына маці. Пан наш, малы Ісус – Яму пяюць, дары нясуць. Слаўся ўцелаўлёны Дух, Дзіця сьвятой Марыі. Па-за жытлом знайшоў ён дом, У стайні быў спавіты. За ўсіх людзей наш дабрадзей І ў сьне вядзе малітвы. Крыж зьдзекаў ён панясе, Каб сьмерці мы пазбылі ўсе. Слаўся ўцелаўлёны Дух, Дзіця сьвятой Марыі. Ці ты кароль, ці ты пастух – Хадзі, сьпяем хвалу ім. Цару цароў дамо дароў, З удзячнасьцю ўшануем. Чуйце, чуйце, як сьвет пяе Матулі і дзіцю яе: Слаўся ўцелаўлёны Дух, Дзіця сьвятой Марыі.