Медытацыя для паляпшэння агульнага стану і павышэння працаздольнасці Аўтар: АЯ Калі адчуваеце, што ў бясконцым віры клопатаў і праблем вам неабходна падтрымка, звяртайцеся па яе да Прыроды. Яна абавязкова дапаможа! З даўніх часоў людзі шанавалі зямлю, ваду, агонь, паветра, неба. Іх персаніфікавалі — кожнай стыхіі адпавядала пэўнае боства, а тое й не адно. У розныя моманты жыцця звярталіся да іх, прасілі дапамогі. Для нашых продкаў неба сімвалізуе святасць і велічнасць. Гэта змясцілішча вільгаці, святла і агню — усяго неабходнага для жыцця. Тут жывуць багі. Калі ўмець «правільна» глядзець у неба, можна не толькі прадказваць, але і мяняць асабісты і нават калектыўны лёс. Зямля асэнсоўвалася як усеагульная крыніца жыцця. Нездарма яе часта называюць «Маці-зямля». Зямля — першаэлемент, з якога створаны наш свет. Таму гэта сімвал грунтоўнасці, надзейнасці, прыроднай моцы. Да ветру нашы продкі ставіліся імбівалентна. З аднаго боку, яго лічылі параджэннем (альбо праяўленнем) дэманічных істот, інструментам вядзьмарак і ведзьмароў. З іншага — вецер прыносіць дажджавыя хмары, спрыяе ўраджаю, працягу жыцця. Да таго ж «на вецер» адсылалі хваробы і няшчасці, верылі, што ён можа вызваліць чалавека ад усяго дрэннага. Яшчэ адна паважаная стыхія — агонь. Праяў у яго шмат: непасрэдны агонь у печы, на вогнішчы; святло зор; маланка. Агонь — абавязковы атрыбут шмат якіх абрадаў і рытуалаў. Агонь — абаронца не тольі ад сцюжы, але і ад сурокаў, злых істот, магічных уздзеянняў. Таксама агонь — рухавік жыцця, дзейнасці (агонь у сэрцы, агонь у вачах). Вада ў традыцыйнай карціне свету беларусаў таксама першаэлемент, без якога проста немагчыма жыццё. Вада — ачышчальны сродак, без яе не абыходзіўся ні адзін знахарскі абрад. Вада — праваднік, без якога немагчымы пераходы душы паміж тым і гэтым светам. Вада (дождж) таксама звязвае Зямлю і Неба, нараджаючы жыццё. Мантаж: Крылы Музыка: Cosmic Meditation by Arko_S | sites.google.com/view/arkosmusic/ Music promoted by www.free-stock-music.com Creative Commons / Attribution 3.0 Unported License (CC BY 3.0) Перад медытацыяй: • Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на кампьютары/планшэце, зачыніце дзверы, здыміце фітнэс-бранзалеты ды смарт-гадзіннікі). • Праветрыце памяшканне, папіце вады, наведайце прыбіральню. • Паздымайце ўсе ўпрыгожанні з валасоў, гадзіннікі, паясы (ці проста расшпіліце). • Уладкуйцеся ў зручнай позе (цягам медытацыі варушыцца можна, калі ўзнікне такое жаданне). Вітаем у падарожжы ў Сусвет! #relaxing #relaxingmusic #meditation #music #медытацыя #медитация #беларускаямова #музыкадлямедитации #новычас