Упершыню мястэчка Воўчын згадваецца ў XVI стагоддзі пад уладай Солтанаў, што збудавалі тут царкву ў гонар Святога Мікалая. Цягам двух стагоддзяў Воўчын змяніў шмат гаспадароў, апошнімі з якіх былі Чартарыйскія. Яшчэ ў 1720 годзе Казімір Чартарыйскі выдаў замуж дачку-князёўну Канстанцыю за славутага дзеяча Станіслава Панятоўскага, бацьку апошняга караля Рэчы Паспалітай. У 1733 годзе на сродкі падскарбія вялікага літоўскага быў узведзены касцёл, асвечаны ў 1738 годзе ў гонар Найсвяцейшай Тройцы. Неўзабаве пасля заканчэння будаўніцтва святыні ў Станіслава Панятоўскага нарадзіўся сын Аўгуст, якога хрысцілі ў новым касцёле. У другой палове XIX стагоддзя расійскія ўлады гвалтоўна адабралі касцёл, часткова яго разбурылі, пераабсталявалі і пераасвяцілі ў царкву. Таксама дзякуючы палітыцы акупацыйнага рэжыму палацава-паркавы комплекс Чартарыйскіх з тэатрам і аранжэрэяй быў назаўсёды страчаны для сучаснай беларускай спадчыны. У 1921 годзе, пасля інтэрвенцыі Польшчы, храм быў вернуты каталікам. У 1938 годзе з Санкт-Пецярбурга была перавезена труна з рэшткамі караля Станіслава Аўгуста Панятоўскага, якога таемна перапахавалі ў Воўчынскім касцёле, пасля чаго толькі ў 1995 годзе будынак быў перададзены сабору Святога Яна Хрысціцеля ў Варшаве. Падчас Другой сусветнай вайны храм зноў перажыў частковае разбурэнне, і толькі ў 2009 годзе было распачата яго аднаўленне, дзякуючы чаму ў 2020 годзе біскуп Пінскі Антоній Дзям’янка здзейсніў асвячэнне касцёла Найсвяцейшай Тройцы і адслужыў першую Святую Імшу ў ім. Запрашаем у іншыя вандроўкі: ▶ https://youtu.be/5dpBZv6xLRU ▶ https://youtu.be/IilY6NX35iY ▶ https://youtu.be/e7-kKK8ITjA ▶ https://youtu.be/xjT_VfeV0xI ▶ https://youtu.be/yQbzas5PFgY #беларусь #гісторыябеларусі #путешествия