Адказны па пытаннях рэгіянальнага развіцця НАУ Юрый Губарэвіч у інтэрв'ю @EuroradioLive. Сэнс люстрацыі ў перыяд транзіту не ў тым, каб пакінуць "выпаленую зямлю" на месцы ранейшых дзяржструктур. Наадварот – вызначыць спецыялістаў, якія могуць працягнуць працу і нават узначаліць свае напрамкі ў новай сістэме. Так, штат умоўнага Мінлясгаса будзе рэарганізаваны ў меншай ступені. Многія супрацоўнікі прадоўжаць працу, калі не былі замяшаныя ў злачынствах рэжыму. У той жа час люстрацыя павінна быць абгрунтаванай: на сваіх месцах не павінны застацца службовыя асобы, якія аб'ектыўна пагражаюць беларускай дэмакратыі і яе інстытутам. Вопыт іншых еўрапейскіх краін, якія праходзілі гэты шлях, паказвае: няякасна арганізаваная люстрацыя вяртае кадры дыскрэдытаваных рэжымаў да ключавых пазіцый, а іх прыхільнікаў – да дэструктыўнага рэваншызму. У перыяд арганізацыі свабодных выбараў і перадачы ўлады новаму лідэру краіна павінна стабільна функцыянаваць. Хто заменіць адхіленых адмыслоўцаў? На днях мы запусцілі праграму падрыхтоўкі кадравага рэзерву Новай Беларусі. Акцэнт у яго фармаванні – не на прыналежнасці дэмакратычным ініцыятывам або лаяльнасці ім. Спецыялістаў праграмы рыхтуюць не да палітычнай, а да адміністрацыйнай работы ў дзяржсістэме: міністэрствы, выканаўчыя камітэты і г.д. У аснове – адукацыя і прафесіяналізм кандыдатаў у канкрэтных сферах. Падаць заяўку можа кожны беларус з пацверджаным досведам і патэнцыялам у сваёй галіне. Адабраныя кандыдаты пройдуць навучальныя курсы і змогуць павысіць кваліфікацыю ў еўрапейскіх дзяржустановах. Падаць заяўку могуць і дзейныя супрацоўнікі беларускіх ведамстваў – анлайн, ананімна і бяспечна – верыфікаваўшы сваю недатычнасць да злачынстваў лукашызму. Для набору ўдзельнікаў Кадравага рэзерву створана інтэрнэт-платформа (https://pr-belarus.org/), дзе можна запоўніць заяўку для ўдзелу. #беларусь #лукашэнка #люстрацыя Ці патрэбна люстрацыя?