Гурт "Таямара" прадстаўляе вашай увазе песню на вершы знакамітага беларускага паэта Анатоля Сыса. Маналог расстрыгі Якія цяжкія, гнятлівыя радкі, нібы іх напісаў паэт-расстрыга, тут нават кропкі, бы ў дрыгве грудкі, працяжнікі, нібы на рэчцы крыгі. Прабач, паэт, прабач ты мне, расстрыга, але я не магу цябе чытаць — да берага скакаць па слізкіх крыгах, бо ўжо стаміўся ісціну шукаць, бо разумею, што плыву на крызе і што, падчас праводзінаў маіх, мой грэх адпусціць чалавек у рызе, які калісьці і мяне расстрыг.